Suonate campane, suonate!... Sbatocè a svegliare Cesuna che dorme.
È morto don Gianfranco “Ambrogio Campanaro”, un poeta.
Sabato, dopo le esequie alle 10.00 a Centrale di Zugliano, ultima sua parrocchia, don Gianfranco Ambrosini tornerà per sempre in quel poco che resta della sua Cesuna.

14 febbraio 2019

1 Don Gianfranco sotto al Cristo del 1442 di don Gianfranco

Don Gianfranco sotto al Cristo del 1442 di don Gianfranco

CESUNA VECIA

Se penso a la Cesuna de 'na volta
me cato quasi perso tra le case.
Anca la mia la xè 'sta stravolta
E la contrà cambià. A tanti piase

I prai no i ghe xè più: quatro cantieri 
i se li gà magnà nei condomini
butando a l'aria sciorche co i sentieri
e ribaltando lastre co i confini

No ghe xè più né stale, né luamari
sacrificai al cliente vilegiante;
l'aria più sana ciama prezi cari
come reclama vita on fià galante

No ghe xè più rosari e ortesei
reticolati de la prima guera
i ga fato i garagi e i ciapa schei
par tirar su altre case fate a schiera

Se vago a la stassion vedo on piazzale
polivalente; saria a doppio uso?
I binari sparii, gnanca on bancale;
la galeria... del Por la sembra on buso

E andando verso el cimitero vecio,
lassando indrio la strada del Panocio,
go dà 'na ocià al buso ch'era on secio
de scarti, via dal naso e da ogni ocio

Adesso là no i buta più scoasse
e recintà 'l xè diventà on giardin.
Mejo! Te vidi tante bestie grasse
de scelta, con segnà però el destin

Co go sentio sonare le campane
me so in ingropà, pensando a feste bele;
anca a la mia e a quele più lontane.
Per vivi e morti: le xè sempre quele

El cimitero gavea on bel viale
Pessi ormai grandi, boni par far tole.
Tajarli alora: no xè sta gran male.
Ma no te vedi primule né viole

La “Cugola” par n'altri jera on lago.
La pesca? Qualche rana da ciapare.
Vojo vederla, son curioso; vago.
Resta on specieto che fra sognare

A rente de la riva dei “Menazze”
Ghe xè du busi de la prima guera
“zighele baibele” in lengua “do ragazze”
che le spetava i tusi pieni de strasse

Chi se ricorda de la “Volta scura”?
Fin là se andava con le rogazion;
par portarse a Traschè la jera dura;
ghe stava ben on oveto a colazion

Ghe jera on capitelo de 'sti ani,
parfin la guera lo gà risparmià
segno dei primi omeni cristiani 
che per lavoro qua i se gà postà

Sparìo anca quelo, monumento d'arte,
quela nostrana imparentà a la fede.
La strada gà da avere la so parte,
posibilmente col so marciapiede

Par fortuna che resta quel del Giazza
a dire a chi che passa par la via
che al bivio pol far sosta come in piassa 
e dirse la so bela “Ave Maria”

El Lèmerle l'è là sempre più belo.
Gli abeti morti tuti i xè risorti.
Nel Zoveto i ga sconto 'l capitelo
e chi ricorda adesso i soldai morti?

Xè proprio vero che chi more giace,
ma lori i ga salvà la nostra tera.
Xè crudeltà, da siori, stare in pace;
cussì se preparemo a n'altra guera.

Cesuna te te salvi co i to monti
che no i se move come i to abitanti.
Anca la tradision, in fin dei conti,
xè 'na richessa bona a tuti quanti.

Campane, sbatocè matina e sera
per ricordarse almanco del Signore 
col segno de la croce e 'na preghiera
e della fede conservar l'onore.

Sonè più forte, da ciamare i morti
Sonè a martelo da svejar chi dorme!

Ambrogio Campanaro (1931-2019)
Nella foto ai piedi del crocifisso che aveva fatto restaurare nella sagrestia di Centrale.

2 Il Cristo del 1442 di don Gianfranco

Il Cristo del 1442 di don Gianfranco

 

Vai all'inizio della pagina
JSN Boot template designed by JoomlaShine.com