Altopiano 2011
01 - Trombe e Comete
Cesuna - Natale 2011
El diciassette de dicembre, ale tre de matina,
na tromba d'aria la se ga ingropà in val Ghertelina.
Pezi, tanne e arese, de tuto la ga fato ‘na gran rovina.
Continuando a far la matta, tra el Billeme e la Meatta,
la xe rivà al ponte de Roana e po’ su a Canove con forza sovrumana.
Ma ‘sta tromba no la se spetava de trovarse in te ‘na rotonda,
e co la xe rivà al Bivio Talian, fora da l'Ass Tal,
la se ga cussì incateià che la ga trato zo un bell’albero de Nadal.
Gira e rigira la ga perso la mira e invesse de andar
verso Asiago, Gallio e Bassan, la ga voltà par Cesuna come un uragan.
Passà el Ghelpach, verso el Joch, tutto un gran ramaloch!
Barache, lamiere, fassine e legnare, tuto da rencurare.
E la gran stela che de sgresende in Crosara splendeva?
No ghe xe sta né Madone né santi e gnanca i tre maghi,
la la ga voltà de 90 gradi.
E là la resta, co la so bela cresta, e speremo che’l fioca,
sora al Diolmo, che ogni ano el vien fora dalla soca.
Quindi trombe e trombete, stele e comete, metive dacordo.
Cesuna xe piena de luminarie, decorassion straordinarie
e festoni par tuti i cantoni:
sta contrada se merita ‘na bela nevegada!
Buon Natale a tutti, tutti, tutti, ma proprio tutti, anca ale galine e ai cani;
ai Tzanchi e Nandi; Tzigoli, Bacari e Tzena; Krappela e Carpane; Conche, Corà e Caeta; Momi, Mösa e Marol; Rochi e Rodeli; Pajani, Patele e Panilunghi; Ton e Tonele; Buli, Bocie e Baiz; Petz, Pevari e Piri; Kruziati, Kaki, Kele e Kai; Gaburi, Righi e Campanari; Beo, Bres e Bals; Sciavara, Palt e Jazza; Bus e Gianela; Curti, Porti e Castei,
…Ceci, Tura e Vani.
Giorgio Spiller Otarelo
