Altopiano 2017
05 - Le cugine Frigo Gozzar
LE CUGINE GOSSAR DI CANOVE
Angelina Valente Paciuncia Gozzar 1913 – 2016
"Tornà a Cesuna dal profugato go fato la terza e la quarta, gnanca tuta; me ga tocà star casa, gavevino le bestie da tendare. Come maestra gaveo la Pesavento, zia dell’Alfonso Scarparo, che la stava in fondo alla pontara. Me fradel Gusto invese le vignesto a pie a Canove a far la quinta.
Gavevimo un paro de vache in stala, e go cominsià a menar vache a oto ani; avanti medojorno sul Doveto, visin dei Ostarei, dopo medojorno zo verso i Mussati. Dopo ‘ndavimo anca da me zia Demarla.
Me mama jera ‘na Frigo Gozzar de Canove de Soto; da putele, co me sorela Anna, da Cesuna vignevino a pie do par i Traversi e la Volta Scura a trovar me nona; i veci ne dixea “no passar dalle tzeleghe baible, parchè se le te vede te toca basarghe el culo pien de broxe”.
A casa vigneva i veci Berti, lì visin, a far filò in stala: el Cristi Cristiano e el Berto Roberto. Anca la Tzissara Carabiniera la vigneva tuti i jorni; la stava nella casa della Mitzi, la gavea sempre i libri in man e la lezea in tedesco.
I putei gavea paura parché la se vestiva come ‘na strega, la gavea su tzento cotole, El giorno che me go sposà par 'ndar Canove, el Scapin el ga tirà el sgombro (spazzaneve) in medo la strada par no farne pasare.
Maria Frigo Gozzar 1915 – 2017
Se passate per Canove di Sotto fate attenzione, rispettate il limite di velocità, per la strada potreste incontrare Maria che é già stata investita pochi anni fa da un auto. Anche lei vuole vorrebbe arrivare, fra pochi mesi, ai 103 anni come Angelina.
“Le 3 rogazioni di Canove.
1° giorno – De luni se andava per i Rella a Roncalto zo par la Strada del Fero, i Costa e i Mash, no t’incontravi gnanca un can.
2° giorno – Su par i confini de Asiago
3° giorno – All’azienda in Cattedra, se ‘ndava là fora a magnar, ghe xera anca le autorità.
Te ghe davi l’ovo ai tosi se te gavevi qualche simpatia; mi lo go fato dipingere a uno che ghe tegnevo la visin Asiago. Ghe jera el costume che de S. Marco i ragazzi regalava el cuco alle tose che dopo le tose che dava l’ovo colorìo".